Prej vitesh këngëtarja nga Kosova Vesa Luma dhe bashkëshorti i saj reperi Big Basta së bashku me djalin e tyre Lian janë zhvendosur në Zelandën e Re ku zhvillojnë veprimtarinë e tyre.
Duket se jetesës jashtë i ka ardhur fundi dhe artistët kanë vendosur të rikthehen përfundimisht në Shqipëri duke vazhduar jetën mes Tiranës dhe Prishtinës.
E ftuar në emisionin “Rudina” këngëtarja foli për fillimet e karrierës dhe planet duke njoftuar edhe vendimin për t’u rikthyer në vendlindjen e tyre. Vesa ka thënë se ajo dhe Geri nuk janë njerëz që e duan stabilitetin dhe e quajnë më shumë veten banorë të globit.
Pjesë nga intervista e saj:
“Në përgjithësi, kemi qëndruar 6 vjet. Unë kam ardhur dhe kam ikur kohë pas kohe, por nuk kam mundur të adaptohem 100 për qind, por kur është fëmija në mes, duhen bërë ca sakrifica që shumica prej nesh i di. Unë edhe Geri nuk jemi njerëz që e duam stabilitetin “jemi këtu dhe këtu do rrimë, këtu do përfundojmë”. E quajmë më shumë veten banorë të globit, por sa herë kthehemi në Shqipëri dhe Kosovë, sikur na ngre vendi, familja …”
Ndërkohë, këngëtarja pas një pauze të gjatë gjithashtu është rikthyer me koncerte, teksa ka nisur punën edhe për projekte muzikore.
