Partia Demokratike vjen sot me 6 propozime për Reformën Zgjedhore. Kryedemokrati Lulzim Basha u shtriu dorën sot forcave të tjera politike për të sjellë atë që ai e quajti demokraci të standardeve evropiane. Ndër to u përmendën Listat e Hapura, Vettingu i Politikanëve, Heqja e imunitetit të polikanëve nën hetim nga SPAK, por edhe zgjedhja e presidentit nga Populli. Basha shprehu ftesën për çdokënd të lënë mënjanë për t’u bërë bashkë për këtë reformë të cilën e cilësoi si të rëndësishme.
“Në emër të këtij vullneti të përbashkët politik ne shtrijmë sot dorën ndaj çdo faktori politik dhe shoqëror që të lënë mënjanë axhendat e ngushta, interesat personale dhe të bashkohen në një reformë zgjedhore që iu jep qytetarëve shqiptarë një demokraci të standardit europian.
Duke nisur me listat e hapura. Lidhjen e drejtpërdrejt të votuesit me të zgjedhurin, pa sekser në mes. Lista të hapura për ne do të thotë largimi i konceptit të herësit nga kodi zgjedhor. Qytetarët vendosin vetë se cilin nga kandidatët dëshirojnë të dërgojnë në parlament.
Listat e hapura do të garantojnë kështu që shqiptarët të kenë një parlament të përbërë nga njerëz që janë produkt i drejtpërdrejt i votës së tyre, jo i renditjeve partiake, jo i renditjes personale, qofshin të kryetarit të partisë, apo faktorëve të tjerë.
Këtu vijmë te pika e dytë, vettingu i politikanëve. Faktorët kryesorë malinj nuk janë Rusia e Putinit apo Irani, faktori kryesor malinj që rrezikon Shqipërinë është korrupsioni dhe krimi i organizuar, influenca e tyre shtrihet dukshëm në parlament, në këshillat bashkiakë, në institucionet e rëndësishme të vendit ka pasur dhe ka individë të cilët nuk justifikojnë pasuritë e tyre marramendëse.
Ka individë që janë për turpin e Shqipërisë personazhe të transkripteve të INTERPOL-it dhe EUROPOL-it.
Pastrimi i politikës mund të kryhet nga vettingu i politikanëve. Listat e hapura marrin kuptim nëse i japim fund pabarazisë së votës”, u shpreh Basha.
6 Propozimet e Bashës:
1- President nga populli
Presidenti të zgjidhet drejtpërdrejt nga populli
2- Fund imunitetit nga ndjekja penale
Asnjë imunitet për parlamentarët dhe qeveritarët që hetohen nga SPAK
3- Vetting për politikanët
Pastrim i politikës nga të korruptuarit dhe personat me lidhje kriminale
4 – Lista të hapura
Votuesit të kenë mundësi të zgjedhin vetë deputetin, jo kryetari
5 – Vota e diasporës
Shqiptarët që jetojnë jashtë vendit, të kenë mundësi të votojnë në zgjedhje nga aty ku jetojnë
6- Barazia e votës
Numri i votuesve për mandat deputeti të jetë i njëjtë në të gjithë vendin.
Basha: T’u hiqet imuniteti parlamentar atyre që janë nën hetim nga SPAK
Kryedemokrati Lulzim Basha teksa ishte duke prezantuar reformën zgjedhore u shpreh se Presidenti do duhet të zgjidhet nga populli e ndërsa do duhen t’i rikthehen kompetencat, sipas tij të marra nga mazhoranca.
Basha shtoi gjithashtu se një tjetër ndryshim që do ‘luftojë’ PD-ja është edhe heqja e imunitetit parlamentar e çdo eksponenti politik që është nën hetim nga SPAK, në mënyrë që Kuvendi mos të bëhet ‘mburoja’ e aktorëve politikë.
“Zgjedhja e drejtpërdrejtë e Presidencat nga populli dhe rikthimit të kompetencave që ju hoqën në prill. Kjo është në fokus të PD siç është edhe heqja e imunitetit parlamentar të gjithë atyre që janë nën hetim nga SPAK. E sotmja nuk mund të jetë konkluzioni por ftesa për të gjithë për t’u bërë për njerëzit, para njerëzve dhe me njerëzit.”- tha Basha.
Basha: Të realizohet votimi elektronik për emigrantët, horizont drejt një Kushtetute të re
Kryetari i Partisë Demokratike, Lulzim Basha gjatë prezantimit të Reformës Zgjedhore u shpreh se të gjithë emigrantëve duhet t’u garantohet e drejta për të votuar në vendet ku ata jetojnë. Për këtë propozoi votimin elektronik.
“Shqipëria një zonë elektorale si Kosova si vende të BE, natyrisht të hapur për të diskutuar dhe ndarjen në dy tre zona elektorale. Në arkitekturën e kodit zgjedhor falë insistimit tonë pas problemeve të përsëritura dhe që vazhdojnë të përsëriten, rezulton votimi elektronik i paraprirë nga identifikimi elektronik dhe i mbyullur nga numërimi elektronik. Hakerimi i sistemeve elektronike problematikë globale ndaj me insistimin tonë këto sisteme janë të pavarura. Ligji duhet të mundësojë auditimin e një pjese në mos të të gjithë teknologjisë para dhe pas përdorimit për të dhënë besim dhe shmangur çdo ligësi që sëmundja e letrave të kalojë edhe në makineri.
Shqetësimet e qytetarëve do ti cojmë përpara. Kanë mbaruar alibitë për të mos u njohur shqiptarëve jashtë vendit të drejtën për të votuar aty ku jetojnë. Votimi elektronik e zgjidh radhën në ambasada. Votimi elektronik një mundësi për të shmangur abuzivizmin që shkakton votimi në ambasadë apo me postë. Shpikja për regjistrin e emigrantëve që u dha si detyrë për të evidentuar qartësisht se ku ata ndodhen rrezultoi një tjetër grykë shishe për të pamundësuar votimin e tyre. Ska nevojë për regjistër tjetër ata janë në regjistrin e gjendjes civile në Shqipëri. Emigrantët shqiptarët jashtë vendit të votojnë, të kenë zërin e vetë, siç ka sëkrificën e vetë fondin e vetë për të ndihmuar familjet shqiptare, siç janë në prodhim i brendshëm bruto i dytë“.
Në fjalën e tij, Basha shtoi se është mundësia për të shtrirë horizontin drejt një kushtetute të re.
“Është mundësia për të shtrirë horizontin drejt një kushtetutë të re, horizonti i të cilës duhet të përmbledhë jo vetëm ndryshimet që nga 1998, 2008 famëkeqe që sot penalizon qytetarët dhe kontrollin e pushtëve por edhe horizontin e shpresës dhe të rinisë shqiptare”.
/ Newszone
