Në një fshat të Volosit, fatmirësisht makthi për shqiptaren ka përfunduar mbrëmjen e së enjtes pasi banorët e lagjes u mobilizuan për ta shpëtuar pasi dëgjuan britmat e saj.
Dafina Kurti, 22 vjeçe mbahej në banesë e izoluar nga të gjithë njerëzit nga bashëshorti i saj 28-vjeçari shqiptar Aurel Kurti i cili për rreth dy vite e torturonte bashkëshorten e tij për shkak se kishte lindur vajzën.
Dhuna ndaj Dafina Kurtit filloi që kur u mësua gjinia e bebit, pasi Aurel Kurti nuk donte vajzë. Kur lindi fëmija, nëna dhe foshnja jetuan për pesë muaj me grila të mbyllura dhe pa rrezet e diellit.
Rrahjet ishin të përditshme dhe 28-vjeçari nuk e lejonte nënën të shkonte te mjeku për vaksinimin e fëmijës dhe as të thërriste mjekun në shtëpi.
Fqinjët kanë shkuar tek banesa e çiftit duke goditur dyert, si edhe kanë njoftuar policinë. 28-vjeçari ka tentuar të dalë nga dera e pasme për të shpëtuar, por fqinjët e kapën dhe e ndaluan.
Në momentin që policia hyri brenda banesës gjetën nënën e re e cila kishte përqafuar fëmijën e saj dhe ishte e mbuluar me gjak me shenja mavijosje në qafë, pasi bashkëshorti kishte tentuar ta mbyste.
Pasi morën mjekim në spital, gruaja e re dhe fëmija u dërguan në një banesë sociale dhe u morën në mbrojtje prej autoriteteve, ndërsa ndaj autorit u ngritën akuza të rënda si plagosje e rëndë me dashje,
