TIRANË- Është shoqëruar me debate mbledhja e Komisionit të Ekonomisë. Në debat u përfshinë deputeti i PD-së Bujar Leskaj dhe kreu i Kadastres Artan Lame. Gjatë kohës ku po diskutoheshin dekoratat dhe medaljet deputeti demokrat ka kërkuar që të dekorohen figurat e shquara në vend dhe jo rekortorët e Universiteteve. Ndërsa Lame gjatë fjalës së ti u shpreh se dekorimi pas vdekjes ndodh vetëm në Shqipëri dhe me asnjë vend në botë. Në debat ndërhyri dhe kryetari i Komisionit Eduard Shalsi, i cili i kërkoi Lames që ta mbyllte këtu këtë diskutim.
Artan Lame: Edhe sot jepen dekorate. Buxheti i Presidencës dhe Kryeministrisë ka një fond të caktuar për dekoratat. Nëse ky fond nuk harxhohet, do të kalohet të fondi i ri. Një gjë super thelbësore, dekorimi pas vdekjes është një gjë që ekziston vetëm në Shqipëri.
Bujar Leskaj: Jo, Jo
Artan Lame: Të lutëm në lërë ta mbaroj, më lërë ta mbaroj.
Bujar Leskaj: Jo,jo, ti nuk do bësh filozofi këtu.
Artan Lame: Do më lësh ta mbaroj.
Eduard Shalsi: Lame mbylle këtu.
Artan Lame: Jo, jo do e mbarojë. Urdhëri është një bashkësi njerëzish dhe të vdekurit nuk mund të jenë në një bashkësi njerëzish. Dhe e dyta është absurde që ne të dekorojmë Ismail Qemalin. Ne nderohemi nga Ismail Qemali. Nuk mund të dekorohet një person që ka vdekur para 90 vitesh, me një dekoratë të krijuar në vitet 2000.
