Mbyllen Qendrat e Votimit në bashkinë e Kukësit, në një proces që në përgjithësi është raportuar i qetë.
45.63 për qind e kuksianëve kanë ushtruar të drejtën e votës, sipas të dhënave të Komisionit Qendror të Zgjedhjeve.
Në zgjedhjet e 14 Majit, pjesëmarrja ka qenë mbi 52%.
Pjesëmarrja, 24 shtator
Pjesëmarrja, 14 Maj
Në garë për të marrë drejtimin e bashkisë të Kukësit janë kandidati i Partisë Socialiste, Albert Halilaj dhe kandidati i koalicionit “Bashkë Fitojmë”, Emri Vata.
Edhe në këto zgjedhje, Partia Demokratike zgjodhi që të mos dalë me kandidat.
Zgjedhjet e pjesshme në Kukës zhvillohen pas video-skandalit seksual që përfshiu ish-kryebashkiakun Safet Gjici, vetëm disa javë pasi fitoi zgjedhjet e 14 majit.
/ Newszone
