Para pak minutash në zonën e Lungomares në qytetin e Vlorës ka ndodhur një aksident i rëndë ku një automjet tip “Benz” ka dalë nga rruga dhe është përplasur me një pemë.
Pas aksidentit, automjeti ka marrë dëmtime të shumta, ndërsa shoferi është nxjerrë me vështirësi nga zjarrfikësit, për t’u dërguar më pas në spital.
Mësohet se shoferi ka marrë dëmtime në këmbë dhe ndodhet jashtë rrezikut për jetën.
