Para pak minutash në qytetin e Vlorës një 33-vjeçar është paraqitur në urgjencë i plagosur me thikë.
Mësohet se 33-vjeçari ka mbetur i plagosur nga një konflikt i çastit mes të rinjve për motive të dobëta.
Ngjarja u shënua mesditën e sotme në lagjen “Partizani”, ndërsa policia tha se ka vënë në pranga dy autorët e dyshuar, vëllezër.
NJOFTIMI I POLICISË:
“Si rezultat i veprimeve të shpejta, janë kapur dhe shoqëruar në Komisariat, 2 autorët e dyshuar, vëllezër, të cilët gjatë konfliktit për motive të dobëta, dyshohet se kanë goditur me grushte dhe me mjet prerës (thikë), shtetasin Olsen Refati., 33 vjeç, banues në Vlorë.”
Sakaq 33-vjeçari Refati është dërguar me urgjencë në spital, ku mësohet të jetë jashtë rrezikut për jetën.
