Në kuadër të operacionit të koduar ‘Seized’ për goditjen e një rasti të kultivimit të bimëve narkotike Policia ka arrestuar një 38-vjeçar në fshatin Qerret në Vaun e Dejës.
Në gjendje të lirë është proceduar bashkëshortja e autorit të dyshuar si bashkëpunëtore në këtë veprimtari kriminale.
Uniformat blu kanë asgjësuar me anë të djegies 115 bimë kanabis që ishin kultivuar në këtë fshat.
Në vijim të veprimeve procedurale për këtë rast, u kap dhe u vu në pranga shtetasi 38-vjeçari dhe nisi procedimi në gjendje të lirë për bashkëshorten e tij, 34 vjeçe.
NJOFTIMI I POLICISË:
Vau i Dejës
Finalizohet pas disa muajsh hetime, operacioni policor i koduar “Seized”, për goditjen e një rasti të kultivimit të bimëve narkotike, në fshatin Qerret.
Identifikohet, kapet dhe vihet në pranga një 38-vjeçar, autor i dyshuar i këtij rasti, procedohet në gjendje të lirë bashkëshortja e tij, bashkëpunëtore në këtë veprimtari kriminale.
Asgjësohen me anë të djegies 115 bimë të dyshuara narkotike cannabis sativa që ishin kultivuar në këtë fshat.
Shërbimet e Komisariatit të Policisë Vau i Dejës, pas një pune hetimore disamujore, në drejtimin e Prokurorisë, për një rast të kultivimit të bimëve narkotike, kanë organizuar dhe finalizuar operacionin policor të koduar “Seized”, për dokumentimin e plotë të kësaj veprimtarie kriminale dhe për vënien e autorëve përpara përgjegjësisë penale.
Gjatë operacionit, në territorin e fshatit Qerret, shërbimet e Policisë kanë gjetur dhe asgjësuar me anë të djegies, 115 bimë të dyshuara narkotike cannabis sativa.
Në vijim të veprimeve procedurale për këtë rast, u kap dhe u vu në pranga shtetasi F. G., 38 vjeç dhe nisi procedimi në gjendje të lirë për bashkëshorten e tij, shtetasen D. G., 34 vjeçe, banues në Shkodër.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprën penale “Kultivimi i bimëve narkotike”.
