Policia e Fierit ka vënë në pranga një 50-vjeçar për kultivim droge.
Pas kontrollit të ushtruar në banesën e tij në fshatin Kreshpan, policia gjeti dhe sekuestroi 3100 fara të dyshuara narkotike cannabis sativa dhe nëpërmjet djegies u asgjësuan 6 bimë të dyshuara narkotike cannabis sativa, të cilat 50 vjeçari i kishte kultivuar në mes të tokës së tij të mbjellë me pemë frutorë, me qëllim fshehjen e tyre.
Gjithashtu, nisi procedimi në gjendje të lirë edhe për nipin e tij 24 vjeçari pasi ka kundërshtuar punonjësit e Policisë, teksa kryenin veprimet procedurale për arrestimin e 50-vjeçarit.
