Reuters raporton se të martën në mbrëmje të paktën 100 persona kanë vdekur, ndërsa 150 të tjerë u plagosën si pasojë e një zjarri që shpërtheu në një dasmë në Irak rreth orës 10:45 me orën lokale.
Zjarri shpërtheu në një sallë dasmash në rajonin verilindor pas ndezjes së fishekzjarreve gjatë festimit. Sipas informacioneve, ndërtesa ishte bërë me materiale ndërtimi shumë të ndezshme duke kontribuuar në përhapjen e shpejtë të flakëve.
Një dasmore, e cila pësoi një djegie në dorë, tha se ndërsa nusja dhe dhëndri po kërcenin ngadalë kur “fishekzjarret filluan të ngjiteshin në tavan, dhe e gjithë salla u përfshi në flakë”.
Ja çfarë deklaroi një vajzë 17-vjeçare:
“Ne nuk mund të shihnim asgjë. Po mbyteshim, nuk dinim si të dilnim.”
Nëntë persona që ishin të punësuar në sallën e dasmave, ku mbi 100 njerëz persona humbën jetën pas shpërthimit të një zjarri janë arrestuar.
Sipas informacioneve janë lëshuar dhe urdhër-arreste edhe kundër 4 punonjësve të tjerë.
Autoritetet thanë se arsyet e tragjedisë ishin “mungesa e masave dhe të sigurisë, materialet e ndezshme të përdorura dhe me sa duket një fishekzjarre.”
Kryeministri i Irakut ka shpallur tre ditë zie kombëtare.
Numri i viktimave mund të rritet, ndërsa deri më tani janë konfirmuar mbi 100 të vdekur dhe 150 të plagosur.
