Mëngjesin e sotëm në aksin nacional Korçë-Maliq në afërsi të fshatit Symiz ka ndodhur një aksident ku janë përfshirë një kamioçinë dhe një motor.
Si pasojë e përplasjes, është plagosur drejtuesi i motorit, i cili është transportuar në spital dhe ndodhet jashtë rrezikut për jetën.
Policia po bën veprimet për zbardhjen e rrethanave të aksidentit.
NJOFTIMI I POLICISË:
Maliq/Informacion paraprak
Sot në aksin rrugor “Korçë-Pogradec”, pranë fshatit Symiz, Maliq, automjeti kamionçinë tip “Benz” me drejtues shtetasin R. Sh., 35 vjeç, është përplasur me motomjetin me drejtues shtetasin M. A., 29 vjeç, banues në Lin, Pogradec, i cili për pasojë ka marrë disa dëmtime trupore dhe u mjekua në spitalin e Korçës.
Me drejtuesin e automjetit shtetasin R. Sh., po kryhen veprimet e mëtejshme procedurale.
Grupi hetimor po punon për sqarimin e rrethanave të aksidentit.
