Londra është tronditur nga një ngjarje e rëndë ku një 15-vjeçare ka humbur jetën pasi u godit me thikë në autobusin e shkollës.
Sapo ka marrë informacionin e parë për incidentin e ndodhur në autobusin që transportonte adoleshentët për në shkollë mëngjesin e sotëm në Wellsley Road, Croydon në jug të Londrës Policia britanike ka mbërritur menjëherë në vendngjarje.
Pavarësisht përpjekjeve të oficerëve të policisë dhe Shërbimit të Ambulancës në Londër, fatkeqësisht adoleshentja ka ndërruar jetë në vendngjarje. Policia ka arrestuar një adoleshent pa dhënë detaje se kush është personi i arrestuar dhe çfarë lidhje ka me vajzën.
Mediat britanike raportojnë se ajo është adoleshentja e gjashtëmbëdhjetë e vrarë në kryeqytet këtë vit, 13 prej të cilëve u goditën me thikë.
Gjithsej 14 adoleshentë u vranë në Londër në vitin 2022.
