Ministri i Punëve të Brendshme, Xhelal Sveçla, ka thënë se njëri nga të vrarët në Banjskë të Zveçanit, është e truproja e shefit të BIA-s serbe, Aleksandar Vulin.
Kështu ka thënë ai në llogarinë e tij në Facebook, ku ka postuar edhe fotografinë e personit në fjalë, raporton Klan Kosova
“Dje përmes video-pamjeve dëshmuam prezencën e kryekriminelit dhe udhëheqësin e aksionit terrorist Milan Radojiçiq. Ndërkaq, sot është konfirmuar që njëri nga të vrarët që ishte po ashtu pjesëmarrës i atij akti është edhe Bojan Mijailoviq, truproja e shefit të BIA-s serbe, Aleksandar Vulin, në vizitën e tij në Republikën e Kosovës në vitin 2013”, ka shkruar ai.
Sipas tij, shteti i Serbisë është këmbë e krye i përfshirë në këtë sulm terrorist me qëllim destablizimin e Republikës së Kosovës.
“Për këtë gjë tashmë ekziston edhe lidhja formale e strukturore e përfshirjes së Aleksandar Vuçiq në sulmin e 24 shtatorit në Banjskë të Zveçanit: Milan Radojçiq, si nënkryetar i Listës serbe dhe trupëroja e Aleksandër Vulinit, shef i BIA-s. Të dy këta po ashtu të sanksionuar në listën e zezë të ShBA-ve. Të dy këta nga njerëzit më të afërt të presidentit të Serbisë”, ka shtuar ai.
Më tej, ai ka thënë se këto fakte janë dëshmi tjetër se synimet e Serbisë ndaj Republikës së Kosovës nuk kanë ndryshuar aspak nga koha e regjimit të Millosheviqit, ish-ministri i Propagandës së atij regjimi, tash president i regjimit aktual në Serbi.
“Edhe optimistët më të mëdhenj që deri tash e kanë gënjyer veten për ndryshimet në këtë shtet besoj janë bindur për të kundërtën këto ditë”, ka thënë ai tutje.
“Dua të shpreh edhe njëherë mirënjohje për qëndresën e Policisë së Kosovës atë ditë dhe për profesionalizmin e pashoq, aksion në të cilin nuk është lënduar asnjë civil”, ka thënë në fund ministri Xhelal Sveçla.
Sulmi terrorist në veriun e mitrovicës ka bërë bashkë në një qëndrim partitë në Kosovë. Vjosa Osmani në prezencë të kreut të inteligjencës ka zhvilluar takime me përfaqësuesit e opozitës ku u diskutua situata në Banjskë. Ndërkaq policia ka hapur rrugën në fshat duke e konsideruar misionin e kontrolleve të përfunduar po pa përjashtuar rrezikun për sulme të tjera.
Tri ditë pas sulmit terrorist në Banjskë të Zveçanit, katër persona të arrestuar gjatë aksionit të Policisë së Kosovës janë lënë të lirë. Lajmi është bërë \i ditur nga prokuroria sociale ku thuhet se nuk kaishte prova që ata të ishin përfshirë në sulmin terrorist, ndërsa ndalimi i tyre u bë larg vendit të ngjarjes
Për situatën e krijuar në veri, presidentja Vjosa Osmani zhvilloi takime me krerët e politikës. Madje në diskutiime mësohet se ka qenë dhe shefit i Agjencisë Kosovare për Inteligjencë, Petrit Ajeti.
Ndërkaq në Banjskë këtë të mërkurë situata shfaqet edhe më e qetë. Policia dhe kfor kanë bërë të ditur se ka përfunduar kontrolli në banesa, ndërsa është liruar rruga për qarkullimin e lirë të mjeteve edhe pse thuhet se rreziku nuk ka kaluar
Sa i përket hetimeve, nga qeveria e Kosovës thuhet se nuk ka të dhëna për përfshirjen e klerikëve në manasit në sulmin ku u vra rreshteri i policisë
Ngjarja e 24 shtatorit shkaktoi tensione të forta në veri por dhe dënimin e ashpër prej shba dhe vendeve të bashkimit evropian.
/ Newszone
