Pylli i Pishporos është përfshirë nga flakët që nga dita e djeshme dhe zjarrfikësit në Fier kërkojnë ndërhyrje nga ajri për të shuar flakët.
Flakët vijojnë të përhapen në të gjithë pyllin duke shkrumbuar sipërfaqe të konsiderueshme me pisha.
Në terren janë angazhuar 5 mjete të shërbimit zjarrëfikës si dhe efektivë të forcave të armatosura por pavarësisht përpjekjeve të tyre flakët nuk janë izoluar.
Shefi i sherbimit zjarrfikes thotë se vetem nderhyrja nga ajri do te bente te mundur shuarjen e vatrave që janë aktive.
Deri më tani zjarri ka shkrumbuar të paktën 30 hektarë me pisha, ndërsa në rrezik vijon të mbetet edhe pjesa tjetër e pyllit.
