Policia e Tiranës ka vënë në pranga katër persona, ndërsa dy të tjerë janë shpallur në kërkim për mashtrim.
Sipas njoftimit të policisë mësohet se këta persona në bashkëpunim me njëri-tjetrin, kanë tentuar të mashtronin një biznesmen për të përfituar 70 000 euro, duke u prezantuar si përfaqësues të një zyrtari shtetëror.
Të arrestuarit janë të moshës 24, 30, 39 vjeç, të tre banues në Elbasan dhe një 51-vjeçar, banues në Vlorë.
Në kërkim është shpallur një 27-vjeçar nga Elbasani dhe një 40 -vjeçar nga Shkodra, njëri prej të cilëve sipas policisë, dyshohet se është organizatori i kësaj skeme mashtrimi.
Në cilësinë e provës materiale u sekuestruan 2 automjete dhe 6 aparate celulare.
