Ditën e sotme në një provincë pakistaneze me dhjetra mijëra shkolla u mbyllën pasi një infeksion viral i syrit goditi gati 100,000 njerëz.
Ja çfarë deklaroi ministry rajonal i Shëndetësisë Jamal Nasir:
“Rreth 56,000 shkolla fillore dhe të mesme në provincën qendrore të Punjab duhet të qëndrojnë të mbyllura deri të hënën.“
Konjuktiviti viral, i njohur si syri rozë, është përhapur me shpejtësi në të gjithë krahinën.
Gjithashtu Nasir shton:
“Gati 100,000 njerëz janë infektuar deri më tani, dhe autoritetet u kanë kërkuar njerëzve që të kufizojnë kontaktin fizik dhe të qëndrojnë në shtëpitë e tyre.“
Kryeministri i Punjabit Mohsin Naqvi tha se qeveria lokale do të nxjerrë udhëzime se si të parandalohet infeksioni para të hënës.
