Janë goditur dy raste të tjera të mosdeklarimit të të hollave në aeroportin e Rinasit dhe Policia ka bërë të mundur sekuestrimin e 28 840 eurove dhe 1900 dollarëve.
Sipas njoftimit të Policisë bëhet e ditur se për rrjedhojë është proceduar penalisht një 36-vjeçar turk pasi nuk deklaroi 17 020 euro teksa po hynte në republikën e Shqipërisë.
Gjithashtu është proceduar edhe një 50-vjeçar kinez pasi nuk deklaroi 11 820 euro dhe 1900 dollarë në dalje të Shqipërisë.
Dy shtetasit e huaj janë proceduar për veprën penale “Mosdeklarimi në kufi i të hollave dhe i sendeve me vlerë”. Shumat e parave u sekuestruan në cilësinë e provës materiale.
