Ditën e djeshme një apartament në katin e pestë në rrugën “Nënë Tereza” në Fushë Kosovë u përfshi nga flakët e për pasojë 16 persona kërkuan ndihmë mjekësore.
Pas rënies së zjarrit disa banorë janë evakuuar nga objekti, ndërsa si pasojë e tymit 12 qytetarë, dy zyrtarë policorë dhe dy zjarrfikës kanë marrë ndihmën mjekësore.
Shkaqet e rënies së zjarrit janë të paqarta, ndërsa autoritetet po hetojnë për zbardhjen e plotë të ngjarjes.
