Në qytetin e Sarandës në mesditë pranë Parkut “Miqësia” një kambist ra pre e një grabitjeje.
Mësohet se një i ri nga Pakistani, i rrëmbeu çantën me para kambistit, ndërsa më pas u largu me vrap.
Kambisti ka bërtitur dhe është dëgjuar edhe nga punonjësit e Policisë Bashkiake që ndodheshin për normalizimin e trafikut rrugor te kryqëzimi afër vendit të ngjarjes, të cilët i’u vunë pas grabitësit.
Aventura nuk zgjati shumë për pakistanezin sepse pas një ndjekjeje nëpër rrugica, hajduti është kapur nga punonjësit e Policisë Bashkiake dhe i është dorëzuar forcave të Policisë së Rendit në Sarandë, të cilët po hetojnë për ngjarjen.
