Prindërit e rinj Rihanna dhe A$AP Rocky shijuan një natë romantike vetëm të dy super të merituar!
Themeluesja e ‘Fenty Beauty’, e cila mirëpriti fëmijën e saj të parë me A$AP Rocky në maj, dëshmoi se stili i saj vazhdon të jetë i pakrahasueshëm. Ndërsa po shkonin në një restorant natën vonë në New York me reperin, Rihanna u shfaq me një korse seksi me forma koni në pjesën e dekoltesë ngjyrë blu.
Këtë korse nga koleksioni i ‘Jean Paul Gaultier’ ajo e kombinoi me një pallto prej sateni po ashtu ngjyrë blu nga ‘The Matrix’. (Kylie Jenner kohët e fundit veshi versionin e bardhë të kësaj korseje.) Këngëtarja e “S&M” kishte veshur pantallona të ngushta dhe taka me majë.
Një çante prej sateni Dior, syze dielli me kornizë të zezë katrore dhe një buzë e kuqe pikante ishin prekjet përfundimtare në look të themeluess së Savage x Fenty. A$AP gjithashtu u shfaq me shumë stil, duke veshur një xhaketë blu dhe pantallona të shkurtra nga Raf Simons, një bluzë të bardhë dhe atletet bardh e zi të Oxford.
Edhe pse çifti nuk ka ndarë publikisht detaje për të voglin e tyre, A$AP së fundmi u dha fansave një panoramë mbi të qenit baba.”Unë gjithmonë do t’u kujtoj fëmijëve të mi që të mos e humbasin kurrë imagjinatën e tyre, edhe kur të rriten, pavarësisht se çfarë ndodh,” tha ai në një intervistë më 10 maj. “Në fakt më pëlqen të shikoj filma vizatimorë – kam parë Teletubbies, Blue’s Clues, Yo Gabba Gabba, Peppa Pig dhe Baby Shark.” 33-vjeçari shtoi: “Shpresoj të rris fëmijë me mendje të hapur. Jo njerëz që diskriminojnë. Dhe nuk po përpiqem të përshkruaj një shenjtor, por realisht, dua vetëm një fëmijë të lezetshëm me prindër të lezetshëm.” Më 13 maj, Rihanna thuhet se lindi një djalë në Los Angeles.
Një muaj pasi njoftoi shtatzëninë, këngëtarja e “Love on the Brain” shpjegoi se sa e vështirë e kishte për ta mbajtur sekret lajmin nga miqtë e saj më të ngushtë. “Ishte më e vështirë për mua ta mbaja atë sekret, sepse ata janë rreth meje, ata i dinë zakonet e mia,” i tha ajo Justin Sylvester-it të E!News më 11 shkurt. “Ata thonë: “Nuk dëshiron diçka për të pirë? Nuk po pi duhan?” Dhe unë po haja të gjitha gjërat që nuk jam mësuar t’i ha. Ata e dinë që i urrej ëmbëlsirat dhe papritmas po kërkoj biskota dhe donuts. Por më në fund, thjesht më duhej t’i lija të gjitha, dhe ata ishin të gjithë të tronditur, natyrisht, siç u trondit edhe bota”.
