Doug Larsen, Senatori amerikan së bashku me bashkëshorten dhe 2 fëmijët e tyre u shuan si pasojë e një aksidenti ajror me avion në Utah.
Avioni që transportonte Doug Larsen dhe familjen e tij u rrëzua pak pasi u ngrit në afërsi të Moab të Utahut. Si pasojë e aksidentit vdiq edhe piloti i avionit. Larsens po vizitonin familjen në Scottsdale, Arizona.
Sipas “Associated Press”, vdekja e Larsen u konfirmua fillimisht nga udhëheqësi i shumicës në Senatin e Dakotës së Veriut, David Hogue në një email drejtuar kolegëve të tij.
Sipas Zyrës së Sherifit të Grand County, avioni ndodhej në një zonë të largët në kufi me aeroportin. Bordi Kombëtar i Sigurisë së Transportit tha në median sociale “X” se po kryhen hetime për rrëzimin e avionit “Piper PA-28-140” pranë Utah.
Aeroporti Canyonlands mbetet funksional ndërkohë që hetimi zhvillohet.
Larsen u zgjodh në Senatin e Dakotës së Veriut në vitin 2020. Ai kryesoi një panel të Senatit për industrinë dhe legjislacionin e biznesit dhe gjithashtu shërbeu në Gardën Kombëtare të Dakotës së Veriut.
