Ministrja e Jashtme e Gjermanisë, Annalena Baerbock në konferencë për mediat pas takimit me 24 delegacionet e Rajonit dhe BE në Tiranë, në kuadër të përgatitjeve të Samitit të Procesit të Berlinit që do të mbahet në kryeqytetin shqiptar më 16 tetor, ndër të tjera foli edhe për masat e shtuara në veri të Kosovës.
Ajo tha se NATO ka vendosur të shtojë angazhimin e saj në veri, e po ashtu kësaj nisme do t’i bashkohet edhe Gjermania që do të shtojë trupat e saj.
Ministrja tha se në fund zgjidhja e vetme është dialogu dhe fakti që Serbia ka reduktuar forcat eë saj në kufi është një lajm i mirë.
“Konferenca të tilla e shërbejnë pikërisht edhe qëllimit që të mund të bisedojmë më njeri tjetrin edhe për tema delikate. Nuk do të kishte kuptim që ne vetëm do të informonim njëri tjetrin.
E kam nënvizuar edhe më parë, në rrugën drejt BE nuk ka asnjë alternativë tjetër, përveç faktit që njerëzit të jetojnë në paqe me fqinjët e vet, të mos dërgohen trupat ushtarake në kufi.
Ju pyetët si ishte reagimi, ju keni parë që trupat serbe janë reduktuar.
Duke parë gjendjen në vend, në shqetësohemi sepse kemi parë në të shkuarën, se kur në vend të parë është dialogu dhe jo përshkallëzimi atëherë kemi hapa para.
Për ne është shumë e rëndësishme që të arrihet deeskalimi i situatës, pikërisht për këtë po zhvillojmë biseda.
Duke parë situatën e fundit, NATO ka vendosur të rrisë angazhimin e saj në Kosovë dhe vitin e ardhshëm edhe Gjermania do të dërgojë më shumë trupa.
Ne duam që të gjejmë një bashkëpunim 3-dimisional. E para policia kosovare ka përgjegjësi të konsiderueshme, pastaj edhe EULEX dhe KFOR. Unë mendoj që vendimi i NATO është shumë i rëndësishëm” tha ministrja e jashtme e Gjermanisë.
