GREQI– Detaje të reja kanë dalë në dritë nga krimi i rëndë që tronditi Athinën dy ditë më parë. Sipas mediave greke ekspertiza mjeko-ligjore ka treguar se shënjestra e atentatit mafioz ka qenë Kreshnik Çerçizaj, i cili ka marrë dhe gjashtë plumba në kokë e kraharor. Ndërsa Armando Ogranja ka marrë një plumb në bark. Sipas ekspertizës ai ka vdekur nga ataku kardiak dhe jo nga plaga e marrë nga arma e zjarrit.
Atentati mafizo ndodhi dy ditë në një kafene në Nea Smyrni në Atrhinë. Dy shqiptarët ishin ulur për të konsumuar një kafe kur atentatori ende i paidentifikuar nga Policia ka hyrë në lokal dhe ka qëlluar plot shtatë here në 4 sekonda në drejtim të tyre. 6 plumba kapën në kokë e krahahor Kreshnik Çerçizajn që ishte shënjestra e sulmit ndërsa një plumb mikun e tij Armando Ogranja. Çerçizaj vdiq në vend ndërsa Ogranja në spital pak minuta pasi mbërriti në duart e bluzave të bardha. Hetimet për ngjarjen vijojnë për dyshohet se gjithçka ka ndodhur për larje hesapesh mes bandave kriminale ndërkohë mbrëmjen e djeshme mediat greke kanë shkruajtur se ka një lidhje me vrasjen e ndodhur katër ditë më parë në Tiranë ku u ekzekutuar Edmond Papa.
