TIRANË– Gjykata e Apelit ka vendosur pro ekstradimit të kinezit Liangbin Chen ditën e sotme. Ai akuzohet për veprën penale “Mashtrim me pasoja të rënda”. Chen njihet si kreu i një grupi kriminal që ka realizuar mashtrim me vlerë rreth 145 milionë euro dhe Kina ka kërkuar ektradimin e tij. Ndërkoëhë Chen ka kërkuar që të mos ekstradohet drejt Kinës pasi atje i rrezikohet jeta dhe ka kërkuar azil politik në Shqipëri por kjo gjë është refuzuar nga togat e zeza.
Chen u arrestua në aeroportin e Rinasit më 11 korrik të këtij viti gjatë kontrolleve të pasagjerëve të linjës ajrore “Air Albania”, në fluturimin Londër-Tiranë. Ai është koka e një grupi me seli në qytetin Huzhoi në Kinë, ndërsa mashtrimet i ka kryer në të gjithë botën. Përmes platformave online ku jepeshin shtëpi, kompjutera dhe telefona, ai ia ka dalë të kryejë një mashtrim me vlerë 1 miliardë yen kinezë. Ky grup kriminal ka mashtruar dhjetëra qytetarë kinezë, ndërkohë aktiviteti ka qenë i shtrirë edhe në Dubai. Platforma e ngritur online u mbyll dhe Chen bashkë me bashkëpunëtorët u zhdukën me 1 miliard jen, ose 145 milionë euro. 32-vjeçari mbërriti në Shqipëri nga Dubai dhe dyshohet se do të fshihej në vendin tonë.
