TIRANË– Shqipëria ka firmosur ditën e sotme marrëveshjen për blerjen e flotës së dronëve ‘Bayraktar’. Gjatë fjalës së tij kryeministri Edi Rama tha se kjo është teknologjia më e lartë e fluturimeve për misione ushtarake, policore dhe civile, në funksion të sigurisë kombëtare, të luftës kundër krimit e kultivimit të paligjshëm të hashashit, të emergjencave civile, mbrojtjes së territorit dhe mbledhjes së informacioneve gjeohapësinore. Kreu i qeveris ëtha se kjo është ditë e shënuar për Forcat tona të Armatosura. Kryeministri tha se kjo marrëveshje vjen falë raporteve strategjike që vendi ynë ka me Turqinë.
Edi Rama: Shumë të dashur miq nga Turqia do të doja të nisja duke thënë se kam qenë vetëm një herë dëshmitar në dasëm dhe ndodh që martesa ku kanë qenë dëshmitarë ka qenë ajo e shpikësit të Bayraktar, vëllait të drejtorit ekzekutiv që është këtu. Shpresoj që si dëshmitar nuk kam sjellë mungesë fati, por dhëndri po i sjell ca fat ushtrisë dhe vendit tonë. Jam shumë i lumtur sot, por dua t’ja nis andej nga duhet duke falenderuar presidentin Erdogan. E dimë që kur vjen fjala që kur vjen fjala tek mjetet pa pilot nuk ka të bëjë me të pasurit të parave, por që të jesh i aftë që të kalosh edhe të hysh në radhë sepse është shumë e gjatë. Po ashtu është edhe fakti që të jesh në anën e duhur. është e rëndësishme që të jemi të reshtuar në aleancën më të madhe ushtarake, atë të bashkësisë euroatlantike. Me një partneritet strategjik mes nesh dhe Turqisë. Sot është ditë shumë e mirë mes nesh dhe bashkëpunimit mes Ministrisë së Mbrojtjes. Kjo është një marrëdhënie që po bëhet gjithmonë dhe më e mirë, sot është në pikën e saj më të mirë, por dua që të bëjmë edhe më mirë. Jam e sigurtë që në këtë marrëveshje nuk po sjellim teknologjinë më të mirë, por një fushë të re njohurish. Ka të bëjë edhe me ndërtimin e një ure mes forcave tona dhe kompanisë Bayraktar. Lufta ka qenë dhe po vazhdon ende. Nuk mund ta falenderoj mbajtueshëm mikun e këtij kombi presidentin Erdogan. Ministrin e Mbrojtjes sepse lidhja nuk ishte e lehtë. Po kështu dua të falenderoj me zemër drejtorin ekzekutiv që nuk i kam qenë dëshmitar në dasmë, por është treguar i hijshëm që të na ofrojë kushte shumë të mira. Ka qenë shumë e rëndësishme për ne, sepse e dimë që kërkesat për Bayraktar kanë qenë në rritje. Duhet të jetë e çuditshme dhe argëtuese diçkaje që njerëzit u këndojnë këngë. Vëllezërit bajraktar janë siguruar që të gjeni këngë për bayraktarin. Ne e kemi parë sa shumë qen janë emëruar bayraktar në Ukrainë. është një markë që jep fuqi dhe besim. Po ashtu, edhe mjaft vetërespekt. Po i jepni Shqipërisë më shumë fuqi, besim dhe më tepër respekt për veten. Sa më shumë të kemi kapacitete, aq më të respektuar do të bëheni. Zoti iu bekoftë, shpresoj që Tirana të jetë bindëse për ju që të ktheheni, sepse në fund të fundit, Shqipëria është shtëpia juaj e dytë dhe ju e dini.
Ndërkohë gjatë fjalës së tij dhe ministri i Mbrojtjes Niko Peleshi falenderoi kompaninë Bayraktar për mbështetjen. Ai tha se marrëveshja dhe bashkëpunimi është nisur si fillim me një flotë të vogël e do të vijoijë më pas me të tjera pajisje teknologjike të kompanisë.
Niko Peleshi: Gjatë operacioneve të Emergjencave Civile dhe operacioneve të komuniteti do të jenë disa nga ndihmat që do të arrihen me sigurimin e aseteve Bayraktar. Kemi bërë të mundura investime konkrete në blerjen e aseteve të rëndësishme për Forcat e Armatosura. 2023 do të jetë viti që do të blejmë flotën. Është viti ku me shpresë do të kemi kapacitetet e reja. Do e nisim me një flotë të vogël. Janë shumë përdorimshme. Kemi pasur diskutim konstruktiv me Bayraktarin për këtë ngjarje të veçantë dhe për marrëveshjen që do të nënshkruhet sot. Ndoshta në te ardhmen edhe do të kemi transferim të disa teknologjive të Bayraktar këtu. Falenderoj Turqinë që bëri të mundur këtë projekt
