Deputetja demokrate, Jorida Tabaku së bashku me disa kolegë kanë zhvilluar diskutime me Gunther Krichbaum, deputet dhe zëdhënës i CDU për Politikat e BE.
Përmes një postimi në rrjete sociale, Tabaku shprehet se procesi i integrimit është e vetmja mënyrë se si mund të ndryshojë Shqipëria, se si mund të frenohet emigracioni e se si mund të zhvillohet ekonomia.
Postimi i Tabakut:
Kënaqësi të takoja e diskutonim sot bashkë me kolegë të Komisionit të Çështjeve Europiane Gunther Krichbaum, deputet dhe zëdhënës CDU për Politikat e BE.
Procesi i integrimit është e vetmja mënyrë se si mund të ndryshojë Shqipëria, se si mund të frenohet emigracioni e se si mund të zhvillohet ekonomia. fatkeqësisht deri më sot ky proces është përdorur për retorikën politike të ditës dhe jo për ta vendosur në funksion të njerëzve.
Lufta ndaj korrupsionit, zgjedhjet e lira dhe të ndershme, meritokracia në biznes e politikë duhet të jenë shtyllat.
E privilegjuar që për shumë vite kemi pasur mundësinë të bashkëpunojmë e shkëmbejmë ide me të!
