Përpos debateve të ashpra që kemi parë ditët e fundit, në shtëpinë e ‘Big Brother Vip Kosova’ nuk kanë munguar as momentet romantike. Po flasim për dyshen, Alba dhe Azemi të cilët së fundmi i kemi parë më të afërt se kurrë me njëri-tjetrin.
Azemi i cili nuk ka reshtur t’ja shprehë hapur Albës ndjenjat që ka për të, këtë herë vendosi t’i bëjë një surprizë. Në bashkëpunim me ‘vëllain e madh’, Azemi përgatiti një buqetë me lule dhe një letër dedikim për të. Azemi i tha asaj se ndjenjat e tij janë të vërteta nga fillimi deri në fund dhe jo një lojë siç mund të mendohet nga të tjerët.
“Këto ndjenja që kam janë të vërteta. Dua që ditë për ditë me të kallxu që ka hi në dashuri. Dhe, unë kur e dua dikë, e dua deri në fund, me krejt që i kam dhe kaq lehtë nuk mund të më ikësh”, i tha Azemi.
