Deputeti i Partisë Demokratike, Arbër Agalliu në një deklaratë për shtyp është shprehur se Shqipëria është vendi i fundit në Rajon sa i përket subvencioneve në Bujqësi dhe shton se sipas projektbuxhetit për 2024, vitin e ardhshëm do të ketë akoma më pak para për këtë sektor.
Agalliu thotë po ashtu se fondet për këtë sektor shkojnë të orientuara tek klientët e qeverisë ose për të menaxhuar flukset e votës.
Ai përmend edhe pezullimin e fondeve për bujqësinë nga IPARD, duke u shprehurës kjo ndodhi pikërisht për shkak të të korrupsionit në kupolën drejtuese të këtij sektori.
Deklarata e plotë:
Përshëndetje të nderuar qytetar! Sikurse edhe në daljet e më parshme kemi denoncuar këtë projektbuxhet i cili nuk është në funksion të qytetarëve por të qeverisë dhe klientëve të saj!
Bujqësia pavarsishtë se është një sektor ku ka të punësuar rreth 560.000 individ, qeveria ka ulur ndjeshëm financimin.
Nga ana tjetër edhe ndërkombërarët për shkak të korupsionit në kupolen drejtuese të këtij sektori pezulluan fondet për bujqësinë. E kam fjalën këtu për fondet e IPARD. Ata të cilët goditen janë pikërisht fermerët.
Po kështu subvencionet ne bujqesi për vitin 2024 janë totalisht të pa mjaftueshme lidhur me nevojat që fermeri dhe bujku shqiptar ka. Janë rreth 31.7 milione euro, njesoj sic ishte edhe vitin aktual buxhetor, duke e renditur Shqipendi të fundit ne rajon persa i perket subvencioneve ne kete sektor shume te rendesishem. Shpesh herë këto fonde shkojnë të orientuara tek klientët e qeverisë ose për të menaxhuar flukset e votës.
Për me tepër mbështetje aspak domethënëse ka ky buxhet për dëmet që ju shkaktohen fermereve nga fatkeqësitë natyrore si rreshjet e permbytjet apo edhe mungesa e tyre të cilat dëmtojnë rëndë prodhimet bujqesore. Madje mund të përmendim këtu faktin investimet ne sistemet e kalaneve ujitese janë të pa përfillshme.
Të nderuar qytetar përtej cdo fjale ajo që duhet të kuptojmë është pikërisht se viti 2024 do të ketë më pak para për bujqësinë. Më pak para për fermerin. Më pak para për rreth 560.000 të punësuar në këtë sektor duke i lene të përballen të vetëm në një treg të deformuar nga korrupsioni dhe klientelizmi.
