Papa Françesku ka përsëritur lutjen e tij për t’i dhënë fund luftës midis Hamasit dhe Izraelit dhe bëri thirrje për shumë më shumë ndihma humanitare, për të hyrë në Gaza.
‘Mjaft, mjaft vëllezër, mjaft”, ka shprehur ai, teksa ka bërë thirrje që të gjithë të lënduarit të marrin kujdes mjekësor menjëherë.
Duke iu drejtuar turmave në sheshin e Shën Pjetrit, ai tha gjithashtu se pengjet e mbajtura nga Hamasi duhet të lirohen dhe paralajmëroi se armët nuk do të sillnin kurrë paqe.
“Jam pranë të gjithë atyre që vuajnë, palestinezëve dhe izraelitëve,” tha ai.
86-vjeçari tashmë ka bërë thirrje për krijimin e korridoreve humanitare dhe ka thënë se nevojitet një zgjidhje me dy shtete për t’i dhënë fund konfliktit Izrael-Hamas.
Shumë pak ndihma kanë hyrë në Gaza që kur Izraeli i shpalli luftë Hamasit më shumë se një muaj më parë, pasi militantët pushtuan Izraelin jugor.
Zyrtarët izraelitë pretenduan se rreth 1200 njerëz u vranë në sulm dhe më shumë se 200 të tjerë u morën peng.
Që atëherë, zyrtarët palestinezë kanë pohuar se 11,078 njerëz janë vrarë në sulmet ajrore dhe artilerie, ku rreth 40% e të cilëve janë fëmijë.
