“Kirurgët operojnë në kushte sterile, financave i kursen 2.4 ditë qëndrimi në spital”. Kështu e mbrojti tenderin e sterilizimit ish-ministri Shëndetësisë, Ilir Beqaj.
Pasi doli nga GJKKO ku iu komunikua dhe masa ‘detyrim paraqitje’, Beqaj tha se përveç rezervave, ka vendosur që mos të kundërshtojë vendimin. Ai tha se sterizilimi i dha mundësi më të mirë spitaleve.
“Përveç rezervave, kam vendosur që mos të kundërshtojë. Ajo që kemi bërë për shëndetësinë ka qenë një gjë e mirë. Për çështjen në fjalë bëhen 8 vite për çështjen në fjalë. Në këto 8 vite 400 kirurgët operojnë në kushte bashkëkohore, shqiptarët operohen në kushte sterile, dhe në çdo operacion i kursehen qëndrimet në spital.”, tha Beqaj.
