TIRANË– Deputeti i Partisë Demokratike, Sajmir Korreshi ka ironizuar hartimin e projektligjin për vreshtarinë dhe verën. Gjatë fjalës së tij në Kuvend ai ka hedhur akuza të forta ndaj ministrisë së Bujqësisë sa i përket ndarjes së subvencioneve për fermerët. Sipas Korreshit, nafta po ndahet vetëm për anëtarët e Partisë Socialiste. Më tej ai tha se në mënyrë që ligji të jetë eficent duhet të ndihmohen konkretisht fermerët.
Saimir Korreshi: Po thoni tu bëjmë ligjin, po u hapin parukeri, kur unë nuk kam flokë. E njëjta gjë për fermerin, po të bëj ligjin, por unë s’kam tokë të ta blej. Sot vjen një ligj i vonuar si çdo gjë në këtë vend. Të gjithë anëtarëve të Komisionit. Ngelemi gjithmonë në kuadrin e rregullave. Në bëjmë rregulla themi kemi këtë mbrojmë shohim por kur i kthehemi situatës konkrete çfarë bëhet me fermerët. Fermeri ai që e prodhon sa i kushton çfarë ka ndryshuar në një vit në një vit e gjysëm. Çfarë kosto punëtoria ka. Çfarë bëhet në rastin kur ka rënë breshër. Që ligji të bëhet efecient duhet ti ndihmojmë. Po ndajnë naftën vetëm anëtarëve të PS-së. Naftën po e shesin pasi një pjesë e mirë e tyre e kanë dhëne me qira tokën. Kjo po ndodh sot. Por çfarë bëhet me fermerin, sa ka vajtur kostoja e një fermeri. Rrushi ka ngelur në arë. Nuk mundën dot as ta vjelin rrushin. Marrin subvencione por e marrin rrushin nga jashtë se kanë më lirë. Tregtarët abuzojnë me fermerët.
Përgjigjen e mori nga ministrja Frida Krifca, e cila tha se ky projektligj është hartuar në bazë të problematikave të bujqësisë, por pa lënë pas edhe bisedimet me fermerët.
Frida Krifca: Mesazhet që më vijnë nga prodhuesit e verës janë optimistë duke na uruar që më në fund po çojmë para një unë që pritet prej tyre prej shumë kohësh. Punë që është bërë dorë për dore me ta. Ligj që ka katër vite që piqet në zyra që më pas është pasur në një punë të detajuar edhe në komisionin e veprimtarisë prodhuese. Është bërë punë qelibar dhe ti hidhet baltë sektorit që është promotor i prodhimit është gabim. Funksioni i këtij parlamenti është funksion legjislativ. Unë nuk vi nga zyra, nuk rri në zyrë 24 orë. Unë vi nga terreni, nëse kam që qasje në punën time është ët kuptoj çfarë ndodh në terren. I përgjigjem çdo mesazhi të fermerëve, ulem diskutoj me ta. Nuk them që çdo ecën shkëlqyer, sigurisht që ka problematika të një sistemi bujqësor të trashëguar. Kemi një sipërfaqe të prodhimit të ruajtur në mos në rritje, jemi gati 20% më shumë eksporte se vitin e kaluar. Në një vit sfidash fermerët tanë prodhojnë më shumë. Kemi mbështetur 5.1 mld lekë përmes skemës mbështetëse për fermerët. Jemi në një vit kur qeveria i ka dhënë prioritet bujqësisë sepse kemi trashëguar problematika që duam ti ofrojmë zgjidhje. Ne me ligjin e ri formalizojmë bujqësisë, nëse kemi pasur një situatë të mbiprodhimit të rrushit pa kriter, vëmë rregulla. Nuk do të lejojmë që produktin e importit ta favorizojmë dhe duke e përzier me produktet autoktone. Ky ligj mbron fermerin, krijon kushte që fermeri dhje kantinat e verës bashkëpunojnë duke i dhënë vlerë produktit.
