TIRANË– Përveç debateve të shumta seanca plenare e ditës së sotme është shoqëruar dhe me ironi nga ana e deputetëve të mazhorancës. Në momentin që në foltoren e Kuvendit po fliste deputetja demokrate Ina Zhupa deputetët socialistë ocialist Toni Gogu dhe Taulant Balla mbanin në duar një letër, të cilën e ngritën lart dhe ia tregonin Zhupës.
Në letër ishte vizatuar një rrush, si për të theksuar se duhet të flitet në sallë për këtë projektligj dhe jo për temën që fliste Zhupa që në këtë rast ishte akuzat ndaj ministres së Mbrojtjes së Sipërmarrjes Edona Bilali, të cilën e akuzonte për dhënien e granteve tek miqtë e saj. Por ky veprim i është dukur i pahijshëm deputetes tjetër demoktrate, Flutrura Açka, e cila kërkoi fjalën dhe u tërhoqi vëmendjen deputetëve socialist për gjestin, të cilin e konsideroi si seksist.
Flutura Açka: Nuk kisha gjë por më bëri përshtypje një veprim që bënë kolegët e mi, deputetët e pushtetit, mund të jetë në humor por është seksizëm i pastër. Po flasim për verën por nuk besoj se po pimë që të jenë dehur, herën tjetër bëjmë kujdes.
