BRITANI E MADHE- Shqiptari, me profesion transportues, i cili përdhunoi një grua të pavetëdijshme në shtratin e saj, pasi u takuan në një restorant piceri, është dënuar me 7 vjet burg. Klodjan Samurri, 29 vjeç, sulmoi gruan pasi e takoi në veri të Londrës në qershor të vitit të kaluar. Viktima i tha gjykatës se kishte shkuar në shtrat dhe kur u zgjua pa Samurrin duke kryer marrëdhënie seksuale me të. E megjithatë Samurri nuk i shpëtoi dot dënimit me burg.
Sipas Dailymail gruaja kishte dalë me një grup miqsh në Holloway më 26 qershor 2021 kur takoi Samurrin.
“Ata shkuan në shtëpi dhe kaluan pranë një restoranti italian të njohur për dy nga vajzat, ndërsa porosisnin rregullisht pica nga ai restorant. Pronari i njohur dhe ishte miqësor. I prezantoi me tre burra të tjerë, njëri prej të cilëve ishte Samurri. U ulën jashtë duke biseduar dhe pinë disa pije të tjera, një cigare, ata ishin të gjithë miqësorë,”-tha zonja Charles.
Një nga gratë pa Samurrin që hyri në dhomën e viktimës dhe e pyeti nëse ajo ishte mirë.
“Ajo i tha atij të mos shkonte në dhomën e gjumit të shoqes së saj sepse ajo ishte në gjumë. Iu bë e qartë se nuk duhej të hynte brenda kësaj dhome gjumi me drita të fikur dhe një grua brenda duke fjetur,”- tha prokurori.
Një nga gratë më vonë vuri re se drita e dhomës së gjumit të viktimës ishte ndezur.
“Ajo hapi derën, hyri brenda dhe pa të pandehurin duke u ngjitur nga shtrati i ankuesit. Ai ishte i veshur, por po i hiqte xhinset. E reja e pyeti shoqen e saj nëse ishte mirë dhe e pyeti Samurrin nëse kishte pasur leje të bënte seks me të dhe ai u përgjigj: ‘Po, po, gjithçka mirë.’ Më pas e nxori nga dhoma e gjumit.”
Samurri, nga Knebworth Avenue, Walthamstow, mohoi dy akuzat për përdhunim, por sërish u dënua.
