Punonjësit e Byrosë Kombëtare të Hetimit kanë mbërritur në Kuvend për të këqyrur sallën parlamentare pas kaosi të krijuar nga deputetët e opozitës.
Gjatë seancës, e cila zgjati pothuajse 17 minuta, u hodhën tymuese dhe iu vu flaka fasoletave nga deputeti Flamur Noka.
Gjithashtu, ky i fundit tentoi t’i vendoste flakën karrigeve të vendosura grumbull në mes të sallës, por u ndalua nga Garda.
Pasi hodhi tymuese, Noka u përjashtua nga Kuvendi, por refuzoi të dilte deri në momentin e mbylljes së seancës nga kryeparlamentarja Lindita Nikolla, ndërsa salla u “pushtua” nga tymi shumëngjyrëshe.
Deputetët e opozitës u konfliktuan edhe me gardistët, teksa në derën e Kuvendit ligjvënëse iu kontrolluan edhe çantat, pasi nëpërmjet tyre kanë arritur të fusin tymueset në sallë.
Ata kanë paralajmëruar se nuk do të lejojnë zhvillimin e seancave normale, derisa mazhoranca të plotësojë kërkesat e tyre për ngritjen e Komisioneve Parlamentare, si edhe respektimin e të drejtave të opozitës.
Kjo ka detyruar PS-në të zhvillojë seanca të shkurtra parlamentare dhe mbledhjet e Komisoneve t’i zhvillojë online.
