TIRANË-Kryeministri Rama në një mbledhje sot me mësuesit nuk mungoi batutat e tij thumbuese, duke ndërthurur sarkazmën me ironinë.
“Kam mësuar që vetëm kur iki unë, mbrëmja kthehet në gëzim, sa kohë jam unë edhe sikur të mbarojnë fjalimet dhe të fillojë muzika askush nuk afrohet te ushqimi nuk i shkon mendja të kërcej. Sa largohem unë më thonë që plas vallja dhe kënga. Nuk jam për tu pas aq frikë sa dukem, po sa për t’iu mbush mendjen që mos të keni frikë më mirë iki dhe ju rrini rehat”, tha Rama.
Por ai nuk la pa përmendur edhe temën e mësuesve që dalin në pension. Kryeministri i propozoi Ministrisë së Arsimit, që mësuesit që dalin në pension t’i kalojnë si drejtuese shkollash. Rama tha se ata kanë eksperiencën e shumë viteve për të drejtuar shkollat dhe sipas tij do ta bëjnë shumë më mirë se disa burra.
“Zonjat që përfundojnë karrierën mos i lini të ikin në shtëpi por bëjini drejtore. Është një Erzen që i shef propozimet e mia me lupë dhe thotë se bien në kundërshtim me ligjin, shikojeni këtë mundësi që të përfaqësoheni nga eksperienca si shumë vite e mësuesve, nga fuqia dhe aftësia që kanë gratë si gjyshe dhe nëna. Mund ta drejtojnë shkollën shumë më mirë se disa drejtorë burra”, tha Rama.
