TIRANË– Edhe seanca e sotme plenare është zhvilluar me tensione të forta mes opozitës dhe mazhorancës. Gjatë fjalës së tij në Kuvend deputeti i Partisë Demokratike Dashnor Sula vijoi me akuzat e nisura më parë nga Gazment Bardhi ndaj ministres së Financave dhe Ekonomisë Delina Ibrahimaj. Sula tha se ka nga ata anëtarë qeverie që nuk iu dihet adresa, pasi nuk jetojnë në adresat e bëra publike.
Dashnor Sula: Po zonja ministre këtu i jetojmë ne bashkë me kolegët e opozitës dhe kemi adresa shumë të sakta. Po këtu ka anëtare qeverie apo njerëz të tjerë që nuk iu dihet adresa, e kanë adresën e janë në vend tjetër, për të fjetur flenë në vend tjetër. Ka ndonjë ministresh që mund të ketë shpinë komshie me mua. Mos u shqetëso nuk thash gjë për ty.
