Me rastin e marrjes së Presidencës së BE, kryeparlamentarja Lindita Nikolla i ka dërguar një letër Kryetares së Dhomës së Përfaqësuesve të Belgjikës, Eliane Tillieux.
“Me rastin e marrjes së Presidencës belge të BE-së, uroj dhe besoj në suksesin e plotë të saj për realizimin e prioriteteve të përcaktuara. Këto prioritete janë udhëharta për një Evropë më të fuqishme, më të bashkuar e demokratike, konkurruese dhe të qëndrueshme, me më shumë mirëqenie e drejtësi sociale, të dedikuar për qytetarët e saj dhe të hapur ndaj botës.
Shpreh kënaqësinë që zgjerimi do të vijojë të përbëjë një prioritet të Presidencës Belge sepse, siç nënvizohet edhe në prioritetet e saj, zgjerimi i BE-së na bën të gjithëve më të fortë.
Dëshiroj t’ju siguroj se Kuvendi i Shqipërisë do të vijojë të kontribuojë në përshpejtimin e ritmeve të evropianizimit të Shqipërisë, duke garantuar legjitimitetin demokratik, transparencën dhe karakterin gjithëpërfshirës të këtij procesi, për të përmbushur aspiratat e shqiptarëve, si populli më proevropian në rajon.”, shkruan Nikolla
