TIRANË-Deputeti i Partisë Demokratike Dashnor Sula ka qenë i ashpër në fjalën e tij në Kuvend gjatë kohës kur po fliste për investimet në bujqësi. Sipas tij sot bujqësia është lënë në harresë nga qeveria pasi për këtë sektor janë dhënë vetëm 28 mln euro për vitin 2023. Sula tha se paratë që duhet të shkonin në bujqësi qeveri i çon në ndërtim pasi sipas deputetit demokrat aty është “gropa e zezë”.
Përgjigjen e mori nga ministrja e Financave dhe Ekonomisë Delina Ibrahimaj. Në replikën e saj ministrja tha se vetëm falë mbështetjes së qeverisë sot janë ndihmuar rreth 47 mijë fermerë.
Dashnor Sula: Po miratojmë akt normativ për buxhetin e shtetit, a ka logjikë të drejtë që 120 mln euro të shkojnë për rindërtimin. Janë para që do dalin nga 5 mln lekë familjeve të atyre që iu janë dëmtuar shtëpive të tërmetit, po i ndani për efekt elektoral. A e dini ju zonja ministre se ca mund të bëjë fshati me 7 mln euro, jepni 28 mln euro për bujqësinë për vitin 2023, Kosova e ka 100 mln euro. Të punosh sot tokën në fshat, është 30 milje lekë dynymi për të punuar. A e dini që duhet të kesh 100 dele. Ku ka mundësi kullota që të ketë në zonë. Me 99 dele nuk merre subvencion. Është metoda për të subvencionuar disa. A e dini që dolët këtu dhe kolegu i PS bëri një analizë të hollësishme dhe nuk kundërshtoni dot. Tha jemi e vetmja qeveri që jemi të kënaqur se po rrisim të ardhurat në arkat e shtetit. I vetmi shtet që paguajmë 20% TVSH për produktet e shportës. Në një kohë që e ka 6% Bosnja, 7% Kroacia. Të rindërtimi është gropa e zezë, aty janë përfituesit, miqtë, fshatarëve s’keni ca ti merrni. Dil njëherë nëpër fshatra ministre dhe shiko nga 600 shtëpi, iu ndizen dritat vetëm 5 shtëpive. Nëse ndizen më tepër se 20 drita në fshatra, skam ë njerëz, e shpopulluar fshatin,. Pse ikin? Se nuk janë mirë, nuk ja dalin dot. Kjo është e vërteta ju flisni sikur jetoni në hënë. Perandori më i fuqishëm në këtë tokë është krimi ai do na hajë të gjithëve. Do jua hajë më shpejt juve se jeni më të dhjamosur nga paraja dhe korrupsioni.
Delina Ibrahimaj: Buxheti për bujqësinë, janë mbështetur 47 mijë fermerët, fondet për kompensimin e naftës, me aktin normativ që duhet të diskutohet ne mbështesim dhe 1 mijë blegtorë të tjerë, duke e çuar në 5700 numrin e blegtorëve. Gjatë këtij viti ne kemi mbështetur 674 mijë pensionistë duke ua rritur pensionet me 9.5%. Paga minimale është rritur dy herë, njëherë duke shkuar në nivelin 34 mijë lekë. 280 mijë përfitues nga kjo masë, që marrin 3500 lekë më shumë se ca merrnin vitin e kaluar. I kemi kompensuar të gjitha familjet shqiptare për çmimin e energjisë elektrike, i ka kushtuar buxhetit 28 miliardë lekë. Mbështesim 99% të biznesit shqiptar duke i subvencionuar çmimin e energjisë elektrike.
