TIRANË– Kryetari i Partisë Demokratike Sali Berisha i ka dalë në mbrojtje Gazment Bardhit pas debatit të fortë verbal që ai kishte sot në parlament me kryeministrin Edi Rama. Gjatë fjalës së tij në foltoren e Kuvendit kreu i PD ka kërkuar nga Kuvendi që të ndëshkojë ofentimet e kryeministrit Edi Rama ndaj deputetit demokrat. Ai akuzoi kreun e qeverisë se përdor një fjalor banal prej ordineri dhe sipas tij kjo gjuhë dhe këto ofendime mund të bëhen shkak për konflikte të shumta.
Sali Berisha: Ky është jashtë çdo morali, të çdo etike, shpërthen me një fjalor të padenjë, të një ordineri, të garantoj që parlamenti do të ketë zhvillime të paparashikueshme, ju e lejoni atë të shfryjë si ordiner kundër deputetëve të Opozitës. Unë e kuptoj që ai është brutal dhe i dhunshëm në krahun e tij, në mbledhjen e qeverisë, në takimet e ngushta, por këto janë brenda familjes tuaj, kur shtrihen në Opozitë, mund të bëhen shkak të konflikte të shumta. Ndaj, duhet t’i jepni fund tolerancës ndaj një njeriu që përdor një fjalor të tille dhe shndërron këtë foltore në një tualet të gojës së tij. Kjo nuk është zgjidhja, zgjidhja është t’i mbyllësh gojën një ordineri. Zonja kryetare, po e çoni parlamentin drejt katastrofës
