TIRANË– Kryetari i Partisë Demokratike Sali Berisha nuk ka hequr dorë nga ligji për parashtrimin i propozuar prej tij por që ende nuk është sjellë në Kuvend për votim. Duke folur në foltoren e Kuvendit lideri demokrat tha se ai nuk do të heqë dorë nga ai ligj dhe akuzoi mazhorancën se po e bllokon enkas që të mos e sjellë për votim. Sipas tij kjo bëhet pasi ata kanë frikë nag fuqia e këtij ligji. Berisha shton se nëse ai ligj do të miratohet vjedhjet qeveritare do të marrin fund dhe kjo është frika më e madhe e kësaj qeverie. Kreu i PD ripërsëriti akuzat e tij në lidhje me fluturimet e kryeministrit me charter.
Sali Berisha: Nuk parashkruhet kurrë ndërtimi i rrugëve me çmim 6-8 fish të vendeve të BE. Nuk parashkruhen më kurrë vjedhjet me rrugë në Qafë-Pllocë. Vidh e vidh nuk ka të sosur. Vidhni të paktën 5 mln për kilometër. Nuk parashkruhen kurrë vjedhjet që bëni, nuk parashkruhen kurrë vjedhjet me tenderat që sipas KLSH 34.4% janë me vetëm me një ofertues, me atë që doni ju. Po sipas KLSH, 65% e procedurave tenderuese, i fiton oferta më e lartë. Kjo do të thotë që ai që fiton dhe ndan para porositet të sjellë ofertën më të lartë, ose sa është fondi maksimal limit. E imagjinon dot kush? Çfarë ndodh? Ato para, ndahen midis jush dhe hajdutëve të tjerë. Pra të themi të vërtetën, pse nuk sillni ligjin e heqjes së parashkrimit për zyrtarët e lartë? Vjedhje, vjedhje dhe vetëm vjedhje. Të garantoj se ai ligj do të bëhet problem i madh dhe do apo jo do të zbatosh rregulloren e parlamentit. Hidheni poshtë me votën tuaj e thoni se hajdutët do të falen. Thuajni shqiptarëve që do iu vjedhin, keni mëshira apo jo? Duhet të jepni hesap për 22 mln euro charter. Duhet të jepni llogari para qytetarëve për qindra milionë, do ua sjell të gjitha një për një, me naftë bileta dhe ahengje. I keni frikë këto po ai ligj iu garantoj se do të vihet. është ligji më emergjent për Shqipërinë. Sa i përket firmës dixhitale është thjesht transferim tek vjedhësi i shtetit.
