VLORË– Gjykata e Vlorës ka caktuar masën e sigurisë “arrest shtëpie” për ish-kryebashkiakun e Himarës Vasil Bollano, i cili dy ditë më parë përplasi për vdekje 17-vjeçarin Elio Hamitin në Llogara. Ai gjatë ditës së sotme kishte shfaqur probleme shëndetësore për shkak se prej muajsh vuan nga një sëmuendje e pashërueshme dhe trajtohet me kimioterapi. Ai është dërguar në spital dhe prej andej me pranga në duar doli para togave të zeza.
Ngjarja e rëndë ndodhi dy ditë më parë rreth orës 17:00 afër fushës së sportit në Llogara. I mituri ka qenë duke kaluar rrugën kur është përplasur nga Bollano. Ish-kryebashkiaku në dëshmisë e dhënë para policisë është shprehur se i riu është hedhur përpara makinës. 17-vjeçari u dërgua fillimisht në spitalin e Vlorës e më pas drejt Traumës pasi kaloi në gjendje kome. Pa mbushur 24 orë nga mbërritja në Tiranë i mituri ndërroi jetë për shkak të plagëve të marra.
