Këngëtarja e njohur Çiljeta Xhilaga, iu ka treguar konkurrentëve të “Ferma VIP” një ëndërr të keqe që ka parë me djalin e saj, Fernandon.
E frikësuar, konkurrentja ka treguar se e ka parë të birin duke e mbytur nga dallgët, por më pas ka arritur ta shpëtojë.
“Udhëtoja natën. Fernando ishte ulur përpara fare tek shoferi. Autobusi ishte plot me njerëz. Udhëtoja dhe ishte errësirë dhe unë shikoja vetëm yjet lart. E më pas shikoj dy dallgë deti, që ishin larg jo afër autobusit. Aty jam çuar dhe kam bërtitur: Fernandoooo! Edhe sikur e mora djalin e futa nën gjoks. I thashë o Zot sot mos të jetë fundi i botës se nuk jam gati. Dhe mbaj mend që kam dalë nga autobusi dhe doja të gjeja vend ku të futesha. Jam ulur dhe jam falur, thashë o Zot vetëm për hatrin e të gjithë fëmijëve dhe djalit tim mos të jetë sot”, tha këngëtarja.
