PARIS– Një ngjarje e rëndë do të trondiste ditën e sotme kryeqytetin francez. Një 69-vjeçar vrau me armë zjarri tre persona dhe plagosi rëndë katër të tjerë. Sipas dëshmitarëve sulmuesi kishte në shenjestër një lokal ku klientët ishin kurd, duke lënë të hapur mundësinë se kemi të bëjmë me një sulm racist.
Prokurorja e Parisit, Laure Beccuau konfirmoi se i dyshuari sapo ishte liruar, një vit pasi ai kishte sulmuar tendat në një kamp emigrantësh në Paris me shpatë. Ai incident ndodhi në Bercy më 8 dhjetor 2021. Nuk ishte e qartë pse ai ishte liruar. Dëshmitarja tha se kishte dëgjuar shtatë ose tetë breshëri armësh. Dy prej të plagosurve nga të shtënat thuhet se janë në gjendje kritike për jetën dhe dy të tjerë janë plagosur rëndë.
Policia e ka ndaluar të dyshuarin pa rezistencë dhe thuhet se ka gjetur armën e përdorur në sulm. Prokurorët thanë se kishin hapur një hetim për vrasje. Kryebashkiaku i Parisit Anne Hidalgo vlerësoi policinë për veprimin e tyre vendimtar.
