Sot në shtëpinë e “Big Brother Vip Albania” erdhi një dron për Romeon dhe Heidin. Ky dron erdhi pak ditë pas mesazhit të Donaldit, ku u vu re mungesa e Heidit, gjë që u komentua shumë nga banorët, e madje u interpretua se familja nuk e mbështet lidhjen e tyre.
Pasi pa dronin, Romeo u mundua ta lexonte, duke arritur të kuptonte se ishte dërguar nga vëllezërit e tij.
Droni kishte të shkruar:
Familja Baci dhe Veshaj vdesin për ju. Ju presim fitues, Doni dhe Mario
Sigurisht që komentet nga banorët nuk kishin të munguar. Roza dhe Erjola nuk komentuan, por ishte Juli ai që me ironi përmendi familjen Veshaj.
Juli: Ja ku e ke familja Veshaj, e diskutuat ju? (çohet dhe ikën).
Kujtojmë se dy ditë më parë, Romeo u surprizua nga Donaldi me një mesazh tepër emocionues. Ajo që u pa në mesazh gjë e cila është vënë re dhe nga banorët e tjerë, ishte fakti që Heidi nuk u përmend asgjëkundi.
Heidi tha se për të nuk ka asnjë problem dhe është diçka shumë normale, sepse në fund të fundit ajo i njeh të afërmit e Romeos dhe për më tepër i ka takuar prindërit e tij nga afër.
