TIRANË– Ish-drejtoresha e Autoritetit Rrugor Shqiptar është paraqitur sërish ditën e sotme në Gjykatën e Posaçme Kundër Korrupsionit dhe Krimit të Organizuar, ku ishte planifikuar zhvillimi i senacës paraprake ku do të vendosej nësë dosja në ngarkim të saj do të kalojë apo jo për gjykim. Por sërish seanca është shtyrë, shkak për këtë është bërë mungesa e njërit prej dëshmitarëve në çështje.
Struktura e Posoaçme Kundër Korrupsionit dhe Krimit të Organizuar e akuzon Qaton për shpërndorim detytre pasi sipas organit të akuzës ajo ka shkelur barazitë në tendera në lidhje me tenderimin e rrugës Kardhiq-Delvinë. Dosja e Sonila Qatos në SPAK ndiqet nga vetë kreu i këtij institiucioni Altin Dumani, i cili në vitin 2019 kur mori në ngarkim çështjen ishte prokuror i kësaj strukture.
Padia ndaj Qatos është bërë nga kompania “Gjoka Konstruksion”. Kompania e akuzon nish-drejtoreshën e ARSH-së për përjashtim të padrejtë nga gara. Këto akuza dhe përballja e saj me drejtësinë sollën dhe dorëheqjen e saj ngta posti.
