KOLONJË– Një ngjarje e rëndë është regjistruar mbrëmjen e sotme në Kolonjë. Një 32-vjeçar i identifikuar si Gentian Isai ka ndërruar jetë në rrethana ende të paqarta. Mësohet se i riu ka pasur shqetësime sot në mëngjes me dhëmballën dhe ka shkuar tek stomatologu, ku mori dhe recetën e qetësuesve.
Pasi mori mjekimet e dhënë në farmaci ai është rikthyer në banesë. Pak orë më vonë, ai nuk është ndjerë mirë, në këtë moment babai i tij ka lajmëruar ambulancën. Bëhet e ditur se i riu ka humbur jetën gjatë rrugës për në spital. Pritet që btë kryhet autopsia për të zbuluar dhe shkakun e vdekjes.
