Deputeti i Partisë Socialiste Petro Koçi, i ftuar në rubrikën “Opinion” me moderatoren Ola Bruko në News24 ka komentuar në lidhje me diskutimet e mbajtura sot në Kuvend në seancën e radhës, ku diskutohet në lidhje me marrëveshjen marrëveshjeje me më KfW për financimin e projektit “Transporti i gjelbër në Tiranë”.
Ai ka deklaruar se kryeqyteti ka nevojë për një revolucion sa i përket transportit publik, duke pasur parasysh ngarkesën pasi shumica e qytetarëve përdorin makinë private për të lëvizur.
“Transporti publik ka nevojë për një revolucion. Teknologjia e autobusëve elektrikë është një nga ndryshimet më të mëdha sepse janë ekonomikë dhe nuk ndotin ambientin. Duhet parë që janë disa nënprojekte të lidhura me to si stacionet e ngarkimi elektrik, qendra që i menaxhon duhet të jetë hightech, si edhe korsitë e dedikuara”, tha ai.
