Barcelona beson tek rikthimi i Messit
![](http://www.mcntv.al/sites/default/files/2022-07-29/GettyImages-1240053215.jpg)
Merkatoja verore po merret shumë seriozisht nga Barcelona por Joan Laporta gjithmonë e kthen kokën mbrapa me shpresën se një ditë Lionel Messi do të rikthehet në ‘’ Camp Nou ‘’.
Spanjollët arritën në të kaluarën të fitonin çdo trofe me argjentinasin dhe duke qenë se janë në një moment të vështirë, e shikojnë si shpëtimin për të ardhmen fituesin e Kupës së Amerikës.
Por në këtë histori janë dy faktorë që e ndërlikojne rikthimin e 35 vjeçarit në Katalunjë. Së pari për arsye të kontratës me Paris St Germain dhe për arsye të situatës ekonomike të ‘’ Los Cules ‘’.
Mundësia e vetme e spanjollëve është të presin përfundimin e kontratës së Lionel Messit me ‘’ Les Pariziens ‘’ për ta rikthyer me parametër zero .
Optimizmi i Joan Laportas konsiderohet shumë llogjik për arsye të së kaluarës së Lionel Messit i cili pa mbështetjen e Barcelonës ndoshta s’do të kishte arritur kaq shumë suksese në karrierë .
Në lidhje me këtë çështje shumë të rëndësishme Joan Laporta komentoi :
“ Do ti jem gjithmonë borxhli Messit për gjithçka që i ka dhënë Barcelonës . Për të dyert do të jenë të hapura në çdo moment . Do më pëlqente që ta përfundonte karrierën këtu dhe besoj se mund ta arrijmë këtë objektiv “ , ishin këto fjalët e 60 vjeçarit .
Në njëfarë mënyrë katalanasit janë koshientë se Barcelona do të jetë gjithmonë shtëpia e Lionel Messit dhe Joan Laporta është treguar shumë i qartë në pretendimin e tij .
Një rikthim i sulmuesit nga Rosario në Spanjë sigurisht do të ishte një plus për Barcelonen për tu rikthyer tek titujt pavarësisht luhatjeve në sezonet e fundit .
Sezonin e kaluar Lionel Messi e mbylli me 11 gola dhe 14 asiste në 34 sfida , tek një Paris ku e pati të vështirë të adaptohej pavarësisht mbështetjes nga shumë yje, në veçanti Kylian Mbappes dhe Neymar Juniorit .