Gjendet i pajetë një person në Delvinë, pranë tij një armë gjahu
Një 68-vjeçar me iniciale V. A., është gjetur ditën e sotme i pajetë në një përrua, në vendin e quajtur “Gropa e Zilfos”, Delvinë.
Dyshohet se 68-vjeçari është vetëvrarë në kushte depresioni, me një armë gjahu që u gjet pranë trupit të tij.
Njoftimi i policisë: Delvinë/Informacion paraprak
Më datë 29.07.2022, rreth orës 11:40, në një përrua, në vendin e quajtur “Gropa e Zilfos”, Delvinë, është gjetur i pajetë nga familjarët, shtetasi V. A., 68 vjeç, banues në Delvinë. Dyshohet se ky shtetas është vetëvrarë në kushte depresioni, me një armë gjahu që u gjet pranë trupit të tij.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
