TIRANË– Grupi i hakerave iranianë “Homeland Kustice” nuk e kanë bërë pushim as këtët të shtunë. Kështu sot ata kanë publikuar një listë me të dhënat e personazheve publik që kanë llogari në Credins Bank, e xila dje ra pre e një sulmi kibernetik.
Në dokumentet e shpërndara janë dhe emailet që banka u ka dërguar “VIP-ve”. Bashkë me të dhënat ata kanë shpërndarë dhe një mesazh.
“Me sa duket, përveç muxhahedinëve, ju po shpenzoni taksat për veten tuaj. E drejtë? Duke pasur parasysh këtë sasi informacioni, a nuk janë ende të bindur njerëzit që korrupsioni ka përfshirë të gjithë qeverinë dhe zyrtarët? Është koha të lëmë pas korrupsionin dhe të ngrihemi për lirinë e vendit tonë,”-shkruhet në postimin e bërë në rrjetin social.
Ditën e djeshme Banka Credins ra pre e një sulmi kibernetik që alarmoi klientët. Më pas në një njoftim banka njoftonte se llogaritë dhe të dhënat e klientëve janë të paprekurae por mesa duket hakerat e “kanë kryer punën” e tyre duke nxjerrë në publik të dhëna sensitive të klientëve.
